DAGUPAN CITY– Posiblen agla ipasen na Calasiao PNP ya nanbikkel si datin vice mayor Ferdinand Galang ya nalmuan ya andi lad bilay diad loob na kuwarto to.
Onong ed kinen PSupt Charlie Umayam, hepe na Calasiao PNP , baleg so posibilidad ya agga nanbikkel so biktima ta anggapo met so anengneng dan antokaman ya bengat lan inusar tonyan inpan bekkel.
Papanisiaan na akalikna ya na hypertension tan sakit tonya diad prostate ya sengegan na inateyan to base metla ed say resulta ng inpannengneng ed bangkay tonya na Municipal Health Officer tan say Scene of the Crimes Operatives.
Malabo met ya walay agawan foulplay lapud anggapo so anengneng ya agulo diad kuwarto to tan aka-lock so kuwarto tonya.
No nanonotan, nalmoan ya andi lang bilay diad gilig na kama to si datin Vice Mayor Galang nen imebeneg ya agew na Sabado.
