Maseken ya intilak na asawa, nanbekkel

DAGUPAN CITY- Naandi lad bilay nen asabian ed abong tonya so sakey ya 84 anyos ya maseken kayari ton manbekkel ed baley na Sison Pangasinan.

Anengneng labat la so laman na say biktiman si Cresencio Daylusan ed balkonahe na abong tonya na pigara dan kaabay ed abong partikular la ed Brgy Agat Sison.

Usar so sakey ya nylon cord et sinumpalan na sayan maseken so bilay to ya angitilak ni ya suicidal note ya akasulat ed karton tan papel.

Posiblen say inpangitalak ed sikato na asawa to so rason ya inpanbekkel to kayarin immalis na aron ya abong so misis to.

Mansasansiya ni so imbestigasyon na kapulisan ed insedente.