DAGUPAN CITY—Indalem da la diad Bombo Radyo Dagupan na saray residente ed barangay Arellano, Mangatarem Pangasinan so bodega na sakey agricultural supply ed lugar da.
Kabiangan met la na saray manrereklamo so saray barangay officials lapod say anbanget la na anggob ya saray kemikal ed bodega na kayarian na say negosyanten si Juan Monden.
Inpasabi met la kuno iya ed opisina na say Mayor da na si Ramil Ventinella balet inbaga ton nia na idalan iya ed hearing kanian kinmerew la ira na tulong diad Bombo Radyo.
--Ads--
Baleg kuno so posibleng epekto iya diad abig laman da laot la ray ogogaw lapod say ambanget ya angob na kemikal manlalapod bodega.
Kinmerew met la kuno ya palugit so akan gawa na say bodega pian solusyunan so reklamo na saray residente.
