DAGUPAN CITY– Akasalba ed seryoson epekto na samal so pituran miyembro na sakey ya pamilya ya manlalapud ciudad na Alaminos kasumpalan ya asamalan ed kinan dan chicken adobo.
Onong ed inisyal ya imbestigasyon, sinmempet so ama dan si Romeo Quiam ya walay awit ton balunan ya nankarga na adobon manok ya ibabagan say nanlapuan to et say nilugan tonyan pasahero bilang boatman diad Hundred Island Natural Park.
Say abitlan panangan so nandunguan dan pamilya balet kasumpalan na pigaran oras kayari dan kinan so pare pareho ran akaliknay sintomas na asamalan.
--Ads--
Iilaluan ya umpaway lad patambalan so animera ed saray biktima.
Immuna lan a-discharge so sakey ed saraya.
