Pangasinan Gov. Amado “Pogi” Espino III walang anumang kinakaharap na kaso

Binigyang diin ng Provincial Information Office  (PIO) Pangasinan na walang anumang kasong kinakaharap si Pangasinan Gov. Amado “Pogi” Espino III.

Sa ipinadalang larawan ni Pangasinan PIO Head Orpheus “Butch” Velasco, pinatunayan ngayon ng isang selyadong certificate mula sa Office Of the Ombudsman na walang anumang pending case na  kriminal o administratibo na kinakaharap ang Gobernador.

Nakasaad na pa sa certificate na as of May 06, 2019, walang record sa kanilang tanggapan na may isinampang kaso laban kay Espino.

Pirmado ni Office Of the Ombudsman Graft Investigation Officer 1 Maria Agnes Forteza ang naturang certificate na hiniling mismo ni Gov. Espino.