Dagupan City – Arestado ang dalawang lalaki sa ikinasang buy-bust operation ng Tayug Municipal Police Station (MPS) sa Diversion Road, Brgy. Magallanes sa bayan ng Tayug dahil sa pagkakaroon ng Marijuana.
Kinilala ang mga suspek na parehong 21-anyos kung saan ang isa ay marine transportation trainee na residente sa bayan ng San Quintin at ang isa ay marine engineering trainee din na residente naman sa Bayan ng Sta. Ignacia sa lalawigan ng Tarlac.
Sa operasyon na naganap mula 8:35 PM hanggang 9:10 PM, nakumpiska mula sa mga suspek ang 6.7 gramo ng hinihinalang tuyong dahon ng marijuana (Kush) na may tinatayang halaga na PhP8,040.00.
Samantala , ang operasyon ay isinagawa sa koordinasyon sa Philippine Drug Enforcement Agency (PDEA) RO1.
Bukod sa droga, nakumpiska rin ang mga sumusunod isang (1) piraso ng PhP500.00 na marked money, limampu’t pitong (57) piraso ng PhP500.00 na boodle money na may kabuuang halaga na PhP26,500.00, Anim (6) na piraso ng Vape at charger, Anim (6) na piraso ng sealed small plastic na naglalaman ng vape cartridge na may golden yellow liquid na nagkakahalaga ng PhP10,800.00.
Dahil dito ang imbentaryo at pagmamarka ng mga ebidensya ay ginawa on-site sa presensya ng mga mandatoryong testigo, alinsunod sa batas, at ng mga suspek habang ang mga ito ay nasa kustodiya na ng kapulisan para sa tamang disposisyon.
