DAGUPAN CITY– Inatey so sakey ya 1 year old na ogaw kasumpalan yan nalner diad sakey ya compost pit na kaabay dan abong diad Sitio Banog, Brgy. Cato, Infanta.
Kinabat so biktima ya si Laline Joy Alonzo, anak di Kimberly Cabus, 18 anyos tan Federico Alonzo, 26 anyos ya residente na abitlan lugar.
Onong ed imbestigasyon, manpepesak na kawes da so sanasawa balet agda naimanon akapaway ed abong so anak da.
--Ads--
Papanisiaan ya naenganyo so ogaw ya untaboy diad compost pit lapud inkiwala na danum to.
Anengneng labat na kaabay dan abong ya si Melanie Mirador, 20 anyos, so manlulutang ya biktima diad abitlan pasen.
Tampol iyan inbatik diad patambalan balet abawian metla na bilay so ogaw.
