DAGUPAN CITY– Sakey so inatey legan ya talora so asugatan ed impakapigar na niluganan dan kotse diad national highway na barangay Santa Maria , diad baley na San Jacinto, Pangasinan.
Kinabat so inatey ya si John Marco Cornel, 18 anyos ya binmantak malapud loob na Kotse.
Akagamor met na sugat diad nandurman parte na laman da di Aljun Jeron, Edison Cornel tan driber ya si Alfred Philip Jeron, parehon residente diad baley na Laoac.
--Ads--
Apildit diad luluganan iray biktima kanyan pairapan so rescue operation.
Onong ed imbestigasyon na pulisya, akainom iray biktima ya paunla komon diad ciudad na Dagupan.
Abuyak so kotse lapud insidente.
Lapud kasil na pabatik ed luluganan, binmangga so kotse ed gate na sakey ya abong anggad apigar so luluganan.
