DAGUPAN CITY– Tinmagey lamet volume na danum ed San Roque Dam, diad San Manuel, Pangasinan.
Saya ed makalanor ed anggapoy tundan pan-uran nen agew Sabado tan Simba.
Diad ekslusibong impituyaw na Bombo Radyo Dagupan ed kinen Odette Rivero spokesperson na National Power Corporation, kinompirma ton medyo tinmagey so volume na danum diad San Roque Dam no iner manlapud datin 277.00 meters above sea level so inmabot la ed 279.00 meters above sea level lapud tuloy tuloy ya panuuran.
Inkuwanton, antokaman ya oras so unabot la ed critical level kanyan doble so panbabantay tan monitoring ya gagaween da.
--Ads--
Impalapag met nen Rivero ya anggad makapoy so kipapasen na panaon, mansansian lukas so duwaran gate na San Roque Dam.
