Tulong ed saray biktima na alimbosabos diad Camiling, Tarlac, impasiguro na lokal ya gobyerno

DAGUPAN CITY– Impasiguro na lokal ya gobyerno ya mangiter na tulong ed saray biktima na adalan na alimbosabos diad Brgy. Bubon First ed Camiling,Tarlac.

Unabot ed 25 ya kaabungan so dineral na alimbosabos.

Say alimbosabos so tinombukan ni na maksil ya uran ya walay kaiban kirmat tan karol.

Akabatan ya puro gawa ed light materials iray aderal iran kaabungan.

Diad kaplesan so wala nid proseso so panaala na impormasyon no panon kabaleg na danyos.

Kaleganan tonya, nanpormisa so lokal ya gobyerno ya mangiter na financial assistance ed saray apektadon residente.

Aalagaren met la iray dokumento tan say incident report.