Tricycle driver inatey kasumpalan ya pinapaltog na saray aga kabat ya suspek

Dagupan City– Inatey so sakey ya tricycle driver kasumpalan ya pinaltog diad baley na Laoac, Pangasinan.

Kinabat so biktima ya si Eduardo Calip, 42 anyos tan residente na Cabulalaan, Linmasangan diad baley na Binalonan.

Onong ed inisyal ya imbistigasyon na PNP , umpapaway ya kaleganan ya akalugan diad motorsiklo , pinapaltog so biktima na saray suspek insan kayari toman so tampol met ran tinmakas.

Arekober na saray otoridad diad akagawan na insidente so pigaran fired cartridges na bala na kalibre 45 paltog.

Inawit ni so biktima diad ospital bangbalet saya so inatey met lam lamang.

Diad kaplesan, tuloy so imbestigasyon ed agawan insidente.