Tricycle driber, inatey , 4 sugatan diad pansabog diad Nueva Ecija

DAGUPAN CITY– Inatey so sakey ya tricycle driver legan ya apatira so asugatan kaibay sakey ya maestro tan duwaran estudyante diad agawan insabog diad Pasong Intsik Village Guimba, Nueva Ecija.

Kinabat so inatey ya biktima ya si Marvin Barrientos , 40 anyos legan ya saray asugatan ya pasahero et sikara di Joe Laurence Mata , sakey ya maestro tan duwaran estudyante.

Aderal so mata na abitlan bumabangat lapud sayan pansabog. Sugatan met so driber na tricycle ya akabanggaan nen Barrientos nen agaway insabog.

Diad kaplesan tuloy so imbestigasyon ng kapulisan ed sayan insedente lautla ta aga ni malinew so sengegan na pansabog.