Transport sektor diad Pangasinan unkekerew na P12 minimum fare ya singil ed pamasahe diad jeep

DAGUPAN CITY– Nawalaan na hearing so Alliance of United Transport Organizations Province-Wide o AUTOPRO-Pangasinan diad petition ya P12 minimum ya singil diad pamasahe manlapud P8 ed arapen ya November 9.

Onong ed kinen Ben Mosada, presidente na AUTOPRO diad luyag na Pangasinan, manilalo ran natalusan na saray manlulugan so kekerewen da.

Kaleganan tonya, payag ira ed P10 ya singil basta diad plimeron apatiran kilometro tan man arum na
P2 ed say kaaruman lan kilometro.

Impaliwawa ton say P12 ya minimum fare so aliwan limitado ed unaan ya kilometro no ingen pati say manontombok ya kilometro.