Arestado ang top 2 most wanted ng NCR sa bayan ng Mapandan dito sa lalawigan ng Pangasinan dahil sa 2 counts of qualified rape.
Nakilala ang suspek na si Jenie Dizon Padito na residente ng Pasig City.
Nagtago ang naturang suspek sa barangay Sta. Maria sa naturang bayan kung saan naabutan na rin ito ng lockdown dahil sa kinakaharap na pandemiya dulot ng covid19 virus.
Nahuli ang suspek sa pakikipagtulungan ng kapulisan ng Mapandan at pinagsanib na pwersa ng Pasig Police Office, miyembro ng intelligence unit 1, citizen anti felony support group, NCRPO sa bisa ng order of arrest na inilabas ng regional trial court national capital judicial region sa branch 261 Pasig City.
Dinala ang suspek sa himpilan ng Mapandan para sa maayos na dokumentasyon at disposiyon.
Kalaunan, ipinaubaya ang nadakip na suspek sa kustodiya ng mga miyembro ng regional intelligence unit NCR.
