DAGUPAN CITY-Inatey so sakey ya college student kasumpalan ya abangga diad baley na Urbiztondo, Pangasinan.
Kinabat so biktima ya si Kim Arcley Armani Ventigan Pablo, 19 anyos, tan residente diad abitlan baley.
Onong ed imbestigasyon, manbababiyahe so biktima paunlad abalaten ya parte nen biglan man-overtake so sakey nin motorsiklo ya imamaneho nen Armando Dela Cruz, 37 anyos tan residente met diad abitlan baley.
--Ads--
Dia la nanbanggaan so duwaran motorsiklo ya sengegan na inbantak daranya. Akagamor na sugat tan gasgas diad nanduruman parte na laman na duwaran driver. Nibatik nid patambalan iran dua balet say biktiman si Pablo so indeklaran dead on arrival.
Patuloy ni so imbestigasyon diad abitlan insidente.
