DAGUPAN CITY–Arestado ang Tatlong Vietnamese Nationals matapos masangkot sa kasong Swindling sa bayan ng Mapandan dito sa Pangasinan.
Ang mga nasabing mga suspek ay kinilalang sina Thuden Dang, 26 , Van Nga Tran 34 anyos at Van Thai Le 26 anyos.
Ayon sa impormasyon ng kapulisan inaresto ang mga suspek dahil sa tangkang panggagantyo ng mga ito sa Brgy. Pias, Mapandan, Pangasinan kung saan ang biktima ay kinilalang si Rolando S. Soriano, punong barangay ng nasabing lugar.
Dumating umano ang mga suspek lulan ng isang Black Hyundai Tucson SUV at may dalang mga produkto . Isa sa mga suspek umano ang nag-alok at nagpresenta sa biktima ng isang Large Sized Tent na nagkakahalagang 2,000 piso.
Ngunit nang akmang babayaran na ni Soriano ang nasabing produkto ay kanyang nadiskubre na napalitan na ng isang mas maliit na sukat ang item.
Sa ngayon ay nasa pangangalaga ng kapulsan ang suspek gayundin ang mga nakumpiskang mga gamit.
Nagpapatuloy naman ang isinasagawang imbestigasyon ng kapulisan sa naturang insedente.