Bigong maisakatuparan ng dalawang katao ang kanilang tangkang pagnanakaw ng bakal na ginagamit sa isang construction project sa bahagi ng Cayanga Bridge, sa bayan ng San Fabian.
Sa impormasyon ay nakilala ang mga suspek na sina Mert Rocaberte, 26 anyos, may livein partner, isang construction worker at ang kasamahan nito na nakilala namang si Rj Posadas, na parehong residente ng Brgy. Cayanga sa nabanggit na bayan.
Ayon sa impormasyon mula sa Pnp ay nakatanggap sila ng report mula sa isang concerned citizen kung saan nakita umano nito mismo ang dalawang suspek na patagong nilalagay sa isang tricycle ang mga bakal na ginagamit sa naturang construction site.
Agad namang nirespondehan ng mga kapulisan at saka naman dinala ang mga ito sa Pnp pati narin ang mga narekober na bakal na tinangkang nakawin ng mga ito.
Sa ngayon ang naturang mga suspek ay nasa kustodiya ng mga otoridad at nahaharap na sa kaukulang kaso. //With reports of Bombo Marianne Esmeralda
