DAGUPAN CITY– Inatake na saray plant hoppers o talakitik iray taneman na mais diad baley na Santo Tomas, Pangasinan.
Sisipsipen na saray talakitik so dekta na bulong kanyan nadederal tan namamagaan iray tanem ya mais.
Onong ed saray dumaralos, nalilikna dala so epekto na pan-atake na saray talakitik.
--Ads--
Koneksyon tonya, wala met lay inter ya bini ed saray dumaralos ya naapektuan na peste.
Anggaman untan, mansasansia nin marakep so produksyon na ani diad interon baley.
Onong ed say Municipal Agriculture Office, unabot ed liman libon tonelada na mais so naani na saray dumaralos ed interon baley.
Akabatan ya 12,000 metric tons na mais so naaani da kada taon.
