DAGUPAN CITY-Sugatan so taloran menor de edad kasumpalan ya saksaken diad baley na Asingan, Pangasinan.
Kinabat iray biktima ya sikara di Joseph Pesquesa tan, Jhon Mark Ramat, tan Mark Dember Marron parehon dise siyete anyos, out of school youth tan residente na Barangay Carusocan Sur diad abitlan baley.
Onong ed ginawan imbistigasyon na saray otoridad, asangkot diad gulo so taloran biktima ya sikatoy sengegan na anaksakan usar so ice pick na 24 anyos ya si Jomar Deloza, residente na Barangay Poblacion West diad abitlan baley.
Kaleganan tonya, manpapaabig la diad patambalan so taloran biktima ya akagamor na sugat diad nanduruman parte na laman da.
Diad kaplesan, tuloy ni so panaanap na saray otoridad ed si Deloza piyan saya so naisegepan na kaso.
