DAGUPAN CITY—Asugatan so say san agi tan say kapinsan da kasumpalan iran abugbog ed say gulon akasangkutan da ed baley ya Basista luyag na Pangasinan.
Kinabat so saray biktiman di Jonel Agbuya, 15, Aldy Agbuya, 26, tan Marvin Agbuya, 21, residente ira ed barangay Pasibi East, Urbiztondo.
Akabatan ya linma so saray biktima ed sakey resort ed barangay Anambongan Basista nen asangkot ira ed gulo diad grupo nen Gilbert Opguar, 32, ya residente ed barangay Nalsian Sur Malasiqui.
--Ads--
Lapod sayan akagamor na sugat ed nanduruman parte na laman da so saray san kakapinsan ya tampol inawit ed ospital pian natambal ira.
Sansia ni balet ya iimbestigaan na saray pulis so agawan insidente.
