DAGUPAN CITY– Apoolan so taloran sanaabay ya abong diad barangay Buenlag sa bayan ng Calasiao, Pangasinan.
Papadisiran ya wala ed P4 milyon so kantidar ya desyang ed agawan pool ya inmabot ed kumaduwan alarma.
Agawa so pool pasado ala-8 na labi.
Maples ya tinmayak so apoy ta gawad light material iray kaabungan.
--Ads--
Ginmapo so pool diad mikaduan palapag na sakey ed saray kaabungan lapud papanisiaan ya pinmalyan appliance.
Anggapo met so asakitan ed sayan pool bangbalet anggapo so naisalban antokaman ya gamit daranya.
Problema na halos amin ya pamilyan apektado so panayaman da natan.
Tuloy so imbestigasyon na Bureau of Fire Protection o BFP pian nakabatan no anton talaga so nanlapuan na apoy.
