DAGUPAN CITY -Inmabot lad taloran totoo so inatey diad luyag na Pangasinan lapud tigdas no iner duwara ed saraya so
ogogaw.
Onong ed nalan impormasyon diad Provincial Health office o PHO Pangasinan saray biktima so manedad na walora tan
siyam bolan ya ogaw residente na Brgy Lanas Mangaldan tan sakey ya 31 anyos ya misis ya taga Brgy Tipor, Bani.
Diad rekord, akapangikurit lay 122 kaso na tigdas diad Pangasinan manlapud Enero 1 anggad February 11 natan ya taon.
Say baley na Lingayen so malet ya babantayan na opisina makasengeg ta dakel diman so kaso na tigdas no iner
inmatagey na 2,000 porsiyento.
Kabiangan ed saray lugar ya imomomonitor say ciudad na Dagupan ya walay 21 kaso na papanisiaan ya tigdas, Bugallon
10, Calasiao 8, tan san pipito diad ciudad na San Carlos tan baley na Binmaley.
Diad biek tonya, nilinew na PHO ya agni indeklara so measle outbreak diad probinsiya.
