DAGUPAN CITY– Arumog na say kapara dan sumisigay diad parte na dayat na Bolinao so talora ed anemiran managsigay ya nababalang diad baley na Agno, Pangasinan.
Onong ed sakey ya biktima, taloran agew iran nanleletaw diad dayat kanyan ipapasen dan kumaduan bilay dala so inpakasalba da.
Onong ed Municipal Disaster Risk Reduction Management Office o MDRRMO Agno, March 8 nen linmad dayat so animeran sumisigay bangbalet nen umpawil la ra nen March 9 so awalaan na gale warning kanyan apigar so bangka da.
--Ads--
Kaleganan tonya, tuloy tuloy ni so panaanap ed sikara di Romel Mero, Jay-r Decena tan Roger Nituma.
Nanonotan, antes ya nabalang so anemmiran sumisigay , taloran managsigaw so nababalang diad baley na Agno sa ni nen bolan na Pebrero.
