Posibleng lumakas ang kooperasyon ng Australia at Pilipinas para sa edukasyon at kalakalan sa pagbisita sa bansa ni Australian Assistant Minister for Immigration and Foreign Affairs Matt Thistlethwaite.
Pinangunahan niya ang Australia-Southeast Asia Business Exchange (SEABX) mission sa paniniwalang mahalagang kaalyado ang Pilipinas.
Iseselebra ngayong taon ng dalawang bansa ang 80 taong bilateral relations.
Nakaharap din ni Thistlethwaite sina Education Secretary Sonny Angara gayundin ang kalihim ng Technical Education and Skills Development Authority para isulong ang education collaboration ng dalawang bansa.
Ang Australia at ang Philippines ay parehong kasapi ng Regional Comprehensive Economic Partnership Agreement at ng ASEAN-Australia-New Zealand Free Trade Agreement.
Nakapulong din ni Thistlethwaite ang mga opisyal ng Department of Trade and Industry, Foreign Affairs, at Information and Communications Technology para matukoy ang mga bagong oportunidad para sumulong ang kalakalan ng dalawang bansa kaya nakamit ang record high na AUD 11.34 billion noong isang taon.
Nakaharap din ni Thistlethwaite ang ilang Australian investors para suriin ang iba pang oportunidad sa pamumuhunan.
