DAGUPAN CITY– insegepan la na kaso so ituturon gunman ed inpamatey ed si datin Bayambang municipal councilori Levin Uy.
Kason illegal possession of firearms and explosive device tan kason frustrated murder so insegep kontrad kinen Alberto Jimenez ya ituturon gunman ed impamatey ed kinen Uy tan say akaligtas ya kaiba ton si Cesar Salusagkol.
Kasumpalan na ginawan surveillance na Special Investigation Task Group o SITG-Uy, naaresto si Jimenez diad Oplan Sita diad Brgy. Wawa Bayambang.
Narelan iya na cal. 45 ya paltog ya anggapoy dokumento tan nalaan na granada diad bag to.
Kaleganan tonya, impalapag nen Bayambang Mayor Cezar Quiambao ya aga iya kumbinsido tan manisian si Jimenez so gunman ya amatey ed kinen Uy kanyan walay gagaween ton sarili ton imbestigasyon ya ibabase ed saray CCTV Cameras.
