DAGUPAN CITY– Medyo linmeksab so suspected dengue cases diad luyag na Pangasinan natan ya bulan na Pebrero.
Onong ed record na Provincial Health Office o PHO, diad interon Pangasinan, wala lay 784 ya nikurit ya kaso na dengue manlapud bulan na Enero anggad sayan bulan legan ya wala lay taloran inatey.
Kabiangan ed saray walad dengue watchlist so ciudad na Urdaneta, baley na Binmaley , Mangaldan, Santa Barbara tan Asingan.
--Ads--
Anggaman untan, agga nepeg ya mankampante ta iilaluan ya untagey so sayan kaso lautla no asingger lay mamauran.
