Sumisigay ed Pangasinan kerew ya malaya ran makapangalay sira ed parte na Scarborough Shoal

DAGUPAN CITY- Unaasa so saray sumisigay ya manlapu ed Brgy Cato Infanta ya malaya ni yan makapangalay sira ed parte na Scarborough o Panatag Shoal.

Unong ed kinen Brgy Cato Punong Barangay Charlito Maniago, ya kerew dan naitdan na proteksyon so saray sumisigay dya ed bansa umpan malaya ran makapangalay sira ed parte na Scarborough o Panatag Shoal.

No aga iya nagawa ed siguradon say China la so naunor ed sayan tungtungan anggad mansansiya lan panbawalan so saray sumisigay ed Pangasinan ya aga makapangalay sira diman.

Imbaga met nen Maniago ya natan et anggapo ni so nareresebe dan balita ya panbabawalan da la ra so saray sumisigay manlapud lugar da ya makapangalay sira ed lugar .