DAGUPAN CITY- Mga Ka-Bombo! Gaano kalakas ang iyong intrusive thoughts?
Kaya mo bang gumawa ng mga kakaibang bagay at magpabilib sa mga tao?
Ito kasi ang ginawa ng isang Indian na stuntman, kung saan nakuha niya Guinness World Record dahil sa kakaibang kakayahan niyang patigilin ang 57 electric fans gamit lamang ang kanyang dila!
Ang stuntman na si Kranthi Kumar Panikera, na kilala sa tawag na Drill Man, ay gumawa ng kamangha-manghang hamon sa set ng isang Italian TV show.
Sa loob kasi ng isang minuto nagawa ay ni Panikera na patigilin ang 57 electric fans gamit ang hindi mo aakalaing bahagi ng katawan.
Hindi biro ang gawin ito, kaya’t naging isang malaking tagumpay ang kanyang nagawa.
Hindi lang ito ang unang rekord na nakuha ni Panikera, bukod dito, siya rin ay may iba pang mga Guinness World Records tulad ng pinakamaraming pako na ipinasok sa kanyang ilong gamit ang martilyo, na umabot sa 22 piraso!
Siya rin ang may rekord sa pinakamabigat na sasakyan na nahila gamit ang isang tinik na nilulon, na tumitimbang ng 4,285.78 pounds.
