DAGUPAN CITY — Anim na pamilya ang apektado ng umiiral na 14 days lockdown ngayon sa Sitio Sagur sa Barangay Pugaro dito sa siyudad ng Dagupan.
Ayon kay Dr. Ophelia Rivera, focal person ng local IATF against covid19 ng ciudad ng Dagupan, itinuturing na nasa critical zone ngayon ang Sitio Sagur ng Barangay Pugaro dahil sa tumataas na bilang ng nahahawaan ng covid19.
Aniya, nagkahawaan sa isang pamilya na posibleng nagsimula nang mahawaan ng sakit ang isang index patient na isang senior citizen na may comorbidities na naipasa din ang virus sa mga anak hanggang sa naihawa sa kaibigan ng mga ito.
Sa kasalukuyan, may mild symptoms at asymptomatic ang mga natamaan ng sakit at nasa isolation facility ng siyudad.
Samantala, nakarekober na ang senior citizen na nagpositibo sa covid19 at nadischarge na kahapon. (With reports from Bombo Everly Rico)
