DAGUPAN CITY — Patay na nang matagpuan ang isang senior citizen sa bahagi ng kanyang manggahan sa barangay Kita-Kita sa bayan ng Balungao.
Ayon kay PCapt. Fernando Abacco Jr., OIC-Balungao PNP base sa kanilang inisyal nilang imbestigasyon, nakita ng mga kaanak ng biktima na kinilalang si Tirso Berradio, isang magsasaka, 73 taong gulang at residente ng naturang barangay na nakahandusay na sa kanyang nililinisang manggahan na kanyang pagmamay-ari ang biktima.
Noong una, inakala ng kanyang kaanak na na-stoke ito ngunit nang kanilang tignan ang bangkay nito ay natuklasan na nagtamo ito ng malalim na taga sa kayang kaliwang leeg.
Dahil dito ay agad ipinagbigay alam ng kanyang kaanak sa Balungao PNP ang naturang inisendente.
Sa ngayon ay wala pang ibinibigay na pahayag ang pamilya ng biktima na maaring magamit sa isinasagawang imbestigasyon. (with reports from Bombo Mariane Esmeralda)
