Dagupan City – Nasawi ang isang senior citizen na lalaki sa bayan ng Tayug matapos itong matrap sa kanyang nasusunog na bahay.
Pasado alas 4 ng madaling araw nangyari ang insidente sa Brgy. Poblacion A, sa nasabing bayan.
Kinilala ng biktima bilang isang 69-anyos na lalaki, balo at residente sa lugar.
Batay sa salaysay ng kapitbahay ng biktima sa imbestigasyon ng mga otoridad, nagising umano sila dahil sa makapal na usok at nakita ang nasusunog na ang bahay ng biktima kung saan sinubukan nilang sagipin ang lalaki ngunit sa kasamaang palad, hindi nila nagawang iligtas ang biktima dahil sa tindi ng apoy, bagamat nakita pa umano itong gumagalaw nang matagpuan.
Samantala, mabilis namang napatay ang apoy sa lugar kung saan idineklara itong fire out ang sunog pasado alas-singko ng madaling araw habang puloy pa ring inaalam ng mga awtoridad ang sanhi ng sunog at ang kabuuang halaga ng mga napinsala.
