DAGUPAN CITY– Diaad biek na ginawan manual recount ed saray balota, manisia si atty. Virginia Lacsa-Suarez, Chairperson na Kilusan General Secretary tan Kaisa Ka ya posiblen magmaliw ya bise-presidente si datin senador Bongbong Marcos.
Saya et aliwan lapud posiblen panalo nen Marcos bangbalet malinew ya wala ed sikato so suporta na kaplesan ya administrasyon lalo la si presidente Rodrigo Duterte.
Lapud saya, aga arawin gaween ya amin na presidente napaneknekan labat ya si Marcos so panalo tan asaol labat eya diad Vice Presidential Race na 2016 National Elections.
No nanonotan, akauna lan impalapag na legal counsel nen datin senador Marcos ya si Atty. Vic Rodriguez ya agga manpapatulong so pamilya Marcos ed kinen presidente Duterte niliraad isyu na recount ed saray balota.
Inkuwanto ya untotombok ira ed dugan proseso tan wala ed ley so insegep dan election protest.
Imbaga ni nen Rodriguez ya dakel so benben dan ebidensya ya sinaol ira ed bilangan na boto.
