DAGUPAN CITY– Inakusaan nen Senator Antonio Trillanes IV si presidente Rodrigo Duterte ya walad benegan na inpaka-abswelto di self-confessed drug lord Kerwin Espinosa tan kumpare tonyan si Peter Lim tan Peter Co.
Diad eksklusibon impituyaw na Bombo Radyo Dagupan ed kinen Senator Trillanes , impalapag ton say ibabagan kaandian na suston ebidensiya so makasengeg no akin naabswelto iray walay konekta ed abitllan kaso.
Inkuwanton no nanonotan mismong si Espinosa so inmamin ya walay koneksyon to ed say negosyo na illegal ya droga diad bansa untan met ed say testimonya di self confess hitman Mato Bato tan Arthuro Lascañas ya inusar ed say impangisegep na kaso kontrad saraya.
Say akusasyon balet nen Trillanes , say huwes ya nan-abswelto ed sikara so im-promote ni na presidente.
Manisia so abitlan opisyal ya ginawa na kaplesan ya administrasyon so laba labay da lautla ta ambalbalingit so presidente ed publiko kanyan makakalusot so unyan ran aliwan kagagawa.
Bangbalet, imporek ton tutukan dan maong so abitlan kaso piyan manbayar iray nankasalanan.
