DAGUPAN CITY- Mareen so inpansilibra na pasko diad ciudad na Dagupan.
Saya so kinompirma na City Disaster Risk Reduction Management Office na abitlan ciudad.
Diad ekslusibon impituyaw na Bombo Radyo Dagupan ed kinen Bernard Cabison, CDRRMO Deputy Officer , maliket so opisina da ta mareen tan
mauksoy so inpansilibra na pasko base metla ed panbabantay tan monitoring da.
Sakey ed saray tututukan da so Paseo De Belen diad De Venencia Road Extension.
Onong ed kinen Cabison, anggaman dakel so unpapasyar diad sayan lugar piyan nengnengen so ‘scenic view’ diad ciudad kada unsasabi so pasko, napansansian mareen tan mauksoy so abitlan lugar.
Diad Paseo de Belen, nan-iba diad saksakey ya lugar iray Belen na kada Barangay ya aliwan singa say dati ya akadisplay diad barangay da.
