DAGUPAN CITY– Inatey so sakey ya sangkaili kasumpalan ya nalner ed dayat diad baley na San Fabian Pangasinan.
Kinabat so biktima ya si Noel Bryan Bacadeo, 30 anyos, sakey ya computer shop helper tan residente na Km. 5, Green Valley Dontogan diad siyudad na Baguio.
Onong ed kapulisan, diad parte na Brgy. Nibaliw Magliba anengneng ya manlulutang so laman na biktima.
--Ads--
Sampot iyan anengneng nen ngarem na Dec.25 no iner anggapoy akaimano ya saya so nalner.
Diad kaplesan, akagetar ya isempet so bangkay na biktima diad ciudad na Baguio piyan diman ya panlamayan.
Mabetbet so panonot na saray otoridad ya agga uunlad alarem ya parte na dayat no agga marunong ya unlangoy tan no akainom na alak.
