DAGUPAN CITY– Arestado so sakey ya sanawa kasumpalan ya narelan ira na illegal ya droga diad inpasyar dad Pangasinan provincial jail diad baley na Lingayen, Pangasinan.
Kinabat irayan duwa ya sikara di Manuel Aguilar Jr. , 37 anyos tan Janice Aguilar, 37 anyos, parehon manaayam diad barangay Lopez, Mangatarem.
Saray duwara so linmad Provincial jail piyan bisitaen so kapinsan dan si Mardin Hero Suyat ya akakulong ed kason simple seduction and consented Abduction.
--Ads--
Nen kapkapan ira nen Provincial Guard Jorge Ambeguia so anengneng tod kawigin bulsa na shortpant nen Manuel so aluminum foil strip ya nankarga na shabu residue tan melag ya rolled paper ya walay kargan marijuana.
Diad kaplesan, patuloy ya iimbestigahan so abitlan insidente.
