DAGUPAN CITY– Mansasansian mangibobolos na danum so San Roque dam, diad San Manuel, Pangasinan
Onong ed dam monitoring ng DOST Pag-asa , lukas ni so apatiran gates na San Roque dam, ed kaplesan.
Inmabeba met la so gate opening tonya ya wala ed 4.5 meters.
Tuloy met so ileleksab na water elevation ya wala natan ed 284.35 meters above sea level.
Kaleganan tonya, mansasansian delap so masolok ya duwanlasus ya eskuwelaan ya sakop na School Division 1 ng Pangasinan.
Anggad natan so suspendido ni klase ed saray adelap ya eskuwelaan.
Diad monitoring na School Division Office 1 diad Pangasinan unaabot ed 232 so bilang na eskuwelaan ya adelap.
Wala ni lampas awak so karalem na delap .
Lapud saya, posiblen ipatonton so make up classes no marakep lay panaon piyan nabawi ray agew ya anggapo so loob.
