DAGUPAN CITY– Unaabot ed 35 pares ya saninaro so nansalatan na I do diad ginawan kasalan ed baley diad San Manuel, Pangasinan.
Kaiban inkasal so saninaron telek tan emel ya sikara di Rene tan Dianne.
Anggaman agda nabitla so salitan I love you ed balang sinansakey, nanengneng diad imis tan aksyon da so liket tan panangaro diaad sakey tan sakey.
--Ads--
Akabatan ya akapankabat iran dua diad bible study anggad sikaran dua so nan-gustuan tan ngalngalin agda labay so makapan siyan.
Kaleganan tonya, suportado na saray atateng da so inpanasawa dan dua.
