DAGUPAN CITY– Inatey so saninaro kasumpalan ya naaksidente so niluganan dan motorsiklo diad Dasmariñas City, Cavite.
Kinabat iray inatey ya biktima ya sikara di Tom Dan Cupid Millendrez, 21-anyos, tan Maybelle D. Mendoza, 21 anyos.
Onong ed say impormasyon na Bombo Radyo Dagupan legan ya akalugan ed motor so saninaro tan wala rad karukuyan na Governor’s Drive diad abitlan lugan sa nen biglan naandi so kontrol diad manibela ya sengegan na impakaaksidente da.
--Ads--
Binmantak iray biktima diad kalsada ya sengegan na impakapuruan diad ulo na samay bii ya inateyan ton tampol legan ya inatey metla may laki legan ya tatambalen diad ospital.
