DAGUPAN CITY– Maswerten akaligtas ed impamaltog so sakey ya municipal councilor diad baley na Santo Tomas, luyag na Pangasinan.
Diad ekslusibon impitutyaw na Bombo radyo Dagupan ed kinen Municipal councilor Ely Ramos na baley na Santo Tomas, mitolor komon iya ed sakey ya kanayon da.
Legan balet ya wala rad loob na simbaan so biglan anonotan nen Ramos ya atilak tonya so cellphone to kanyan saya so nanpatanir piyan pawilen so cellphone to.
Kaleksab to ed motorsiklo et sikato met lay pinaltog na agga kabat ya suspek balet daplis labat so agamuran to.
Nen unaan, say pakaanta to so no iner labat so nanlapuan na putok na paltog balet nen saya so unlingaw so anengneng tonin akapatuyong ni paltog ed say sikato kanyan tampol iyan batik diad loob na abong da.
Arekober ed akagawaan na insidente so duwaran basyo na bala na caliber 45 pistol.
