DAGUPAN CITY – Anggapo lay bilay nen nalmo so sakey ya laki kasumpalan ya nanbikkel diad sakey ya Poultry farm ya pantratrabahuan to diad Brgy. Baracbac, baley na Mangatarem, Pangasinan.
Onong ed say impormasyon na Mangatarem Police Station, kinabat so biktima ya si Sherwin Clemente, walad suston edad tan tubon Camarines Sur diad Bicol tan temporaryon manaayam diad abitlan lugar.
Diad imbestigasyon, aki-inuman so biktima ed saray katrabaho to bangbalet kaimbuwasan so anengneng labat na sakey ya katrabaho ton si Jojit Gonzaga so akabitin so laman to diad mismon Poultry House ya pantratrabahuan da.
Diad insiyal ya imbestigasyon ed say Crime scene akabatan ya Nylon Cord so inusar na biktima ed inpanbikkel to.
Onong balet ed saray nanrespondin pupulis, anggapoy anengneng dan senyales ya akilaban iya nen iiksamin so laman to.
Diad kaplesan , aantaen na Mangatarem PNP no anto so motibo na inpanbikkel to.
