DAGUPAN CITY-Inatey so sakey ya laki kasumpalan ya nalner diad ilog ed baley na Villasis diad luyag na Pangasinan.
Kinabat so biktima ya si Raffy Gavina, trentay sais anyos, construction worker tan residente na Sitio Tangat, Barangay Caramutan diad baley na Villasis.
Onong ed imbestigasyon na PNP, akiinuman so biktima ed sakey ya Santiago Velicaria, singkuwentay uno anyos, residente met ed abitlasn lugar.
Kasumpalan ton akiinuman so simmempet la rayan duwa balet anonotan na biktima ya unlangoy diad ilog legan ya anempet la so kaiba top.
Kasumpalan na pigaran oras, anengneng labat la so laman na biktima ya manleletaw diad ilog.
Diad kaplesan, manggagawa ni na kaaruman ya imbestigasyon so PNP Villasis piyan nasiguron anggapoy foul play ed abitlan inkagawa.
