DAGUPAN CITY– Inatey so sakey ya field training police legan ta kritikal so kaiba tonya kasumpalan ta naaksidente so niluganan dan motorskilo diad ciudad na Urdaneta.
Kinabat so inatey ya biktima ya si P01 Jonalyn Pagaduan, bente tres anyos,FTP na PNP Urdaneta tan manaayam diad Barangay Killo baley na Sison.
Kaleganan ya oobserbaan diad patambalan so kaiba tonyan si P01 May Flor Wisco, bente tres anyos, FTP met na PNP Urdaneta tan residente na Barangay Barangobong diad baley na Natividad.
Diad imbestigasyon na saray otoridad, agawa so insidente diad karukuyan na provincial road na Barangay San Vicente diad siyudad na Urdaneta no iner papawil larad poste da nen atumbay motorsiklo da lapud ambasan kalsada.
Anggaman akahelmet, apuruan si Pagaduan diad ulo to ya sengegan na inateyan to legan ya tatambalen diad ospital.
Kaleganan tonya, say kaiba to balet so patuloy ya oobserbaan diad ospital.
