DAGUPAN CITY– Binulabog na bomb threat so sakey ya eskuwelaan diad luyag na Pangasinan.
Kinumpirma nen PSI Romel Sembrano, Deputy Chief of Police na Binalonan PNP ya agawa so abitlan insidente diad Juan G.Macaraeg High School sa Brgy. Canarvacanan diad baley na Binalonan.
Bandad alas otso medya na kabuasa’y sabado nen naawat na kuerpo na pulisya so nipapaakar ed bomb threat.
Tampol met iran nanggawa na occular inspection ed intiron abitlan eskwelaan anggad ala una na ngarem.
Diad ginawan Occular inspection et walay anengneng dan sakey ya sulat ya mangibabagan: walay bomb ed anem iran kuarto na eskuelaan bangbalet nen manggawa la na aktual na inspection so PNP Binalonan kaiba si Explosive ordinance division et anggapo so naalmuan dan bomba, kanyan say padisir na otoridad et saket labat yan panaktakot ed say balon mangidadaulo na eskwelaan.
