DAGUPAN CITY– Inatey so sakey ya bii kasumpalan ya pinaltog na say kalive-in partner to diad baley na Agno, Pangasinan.
Diad impormasyon manlapud PNP, kinabat so biktima ya si Cristina Arig, dise nuwebe anyos, residente na Barangay Macaboboni baley na Agno, legan ya say suspek so kinabat ya si Michael Sison, walad suston edad, live-in partner na biktima tan residente diad parehon lugar.
Umpapaway diad initial ya imbestigasyon na saray otoridad ya awalaan na kolkolan so duwara.
Binmatik so biktima balet saya so inusilan na suspek aggad saya so pinaltog to na shotgun.
Akagamor na kenay bala na paltog diad beneg to so biktima ya sengeg na inateyan ton tampol.
Kaleganan tonya patuloy ya aanapen so suspek ya tampol ya batik kasumpalan na ginawan impamaltog ed say kaamong to.
Onong ed kinen PSI Franco Catalan, hepe na Agno PNP, si Sison so plimiron subject na search warrant sa nen imbeneg ya bolan lapud pan eemben to na paltog balet anggapo iya kanyan agga naaresto.
Say pakaanta to say live in partner to so nandalem ed PNP kanyan pinawil to iya anggad nansumpal ed say impamaltog dad sikato.
Diad kaplesan, patuloy so panaanap ed abitlan suspek.
