Sakey ya balolaki, inatey kasumpalan ya akuryente

DAGUPAN CITY– Agla inmabot ya mabilay diad patambalan so sakey ya balolaki kasumpalan ya akuryente diad ciudad na San Carlos.

Kinabat so biktima ya si Mark Ryan Clemente, 23 anyos, sakey ya helper tan residente na Brgy. Bacnar diad abitlan siyudad.

Umpapaway diad imbistigasyon, ya nasusumpal lad trabaho to so biktima tan iikalen to labat la so silew ya inusar dad Town Center balet agto naimanon ambasa so agatinan to ya sengeg na inpakakuryente to tan impatey to.

Imbatik ya tampol diad patambalan so biktima balet saya so indeklaran Dead on Arrival na doktor ya nannengneng ed sikato.