Sakey ya abogado, inaresto lapud kason double murder

DAGUPAN CITY– Naaresto so sakey ya abogado kasumpalan ya naisilbi so arrest warrant lapud kaso ton double murder diad baley na Asingan, Pangasinan.

Kinabat so suspek ya si Atty. Monte Ignacio Sr., 74-anyos, residente na Barangay Toboy diad abitlan baley.

Inaresto iya diad biskeg na warrant of arrest ya impaway na RTC Branch 57 diad siyudad na San Carlos ya walay petsan September 12, 2017 parad kasong Double Murder.

Diad kaplesan, say suspek so akakulong la diad PNP Asingan.