DAGUPAN CITY– Inatey so sakey ya 52 anyos ya driver kaleganan ya asugatan so apatiran arum nira diad bangaan na tricycle tan van diad baley na Sta Maria Pangasinan.
Kinabat so biktima ya si Julio Queliza, 52 anyos manaayam diad Brgy Sto Nino, Sto Tomas.
Onong ed impormasyon na kapulisan, unbabiyahe so biktima lugan na tricycle diad karukuyan na Brgy Samon Sta Maria lugan iray pasahero ton sikara di Norma Gazmen 69 anyos, Emmily Baltazar, 49 anyos tan Jewel Queliza,
5 anyos.
Kinabat met so driver na van ya si Joel Ronquillo 37 anyos residente ng Brgy. Banding Pozzorubio, Pangasinan lugan ira di Joe Salazar tan Mark Joseph Ronquillo, 7 anyos.
Binmangga so tricycle diad benegan na van ya nanresulta na inpakabantak daray biktima diad kalsada balet tampol met ya imbatik diad patambalan.
Indeklaran dead on arrival so driver na tricycle legan ya asugatan iray pasahero tonya tan say driber na driver na van.
