DAGUPAN CITY– Wala lad lima na saray pupulis so sakey ed saray nanpatey ed si Father Richmond Nilo diad Zaragosa, Nueva Ecija nen bolan na Hunyo kasumpalan ya narel diad baley na Maddela, Quirino .
Onong ed nalan impormasyon na Bombo Radyo Dagupan, kinabat na Quirino Provincial Police Office so suspek ya si Bernie Limpio ya residente diad Arayat, Pampanga.
Naaresto si Limpio kasumpalan na pigaran bolan ya manhunt operations na pinanolop ya pwersa na Quirino tan Nueva Ecija Police.
--Ads--
Ibabagan atunton na saray otoridad si Limpio lapud panlalako to na iligal ya droga.
Aantaen na saray otoridad no siopa so mastermind na panpatey ed kinen Father Nilo.
