Pupulis ya nanpaanak na sakey ya misis ya nabutan na pananak diad gilig na kalsada itday pagalang

DAGUPAN CITY– Akagetar ya itdan na pagalang na Dagupan City PNP so grupo na Special Weapons and Tactics (SWAT) diad panuna nen PO2 Juven Fermin, kasumpalan na ginawa dan intulong ed sakey ya misis ya apaanak legan ya unlulusong ed delap diad parte na Herrero-Perez , ciudad na Dagupan.

Saya so akabatan ed kinen P/Supt. Jandale Sulit, Chief of Police na Dagupan City Police Station, diad exclusive interview na Bombo Radyo Dagupan.

Onong ed si hepe, akagetar dan kumendaan so maong ya ginawas nen Fermin tan saray kaiba to lapud aligtas diad peligto so sanina.

Inyarum ni nen Sulit, ya anggaman walay training da para ed saray first aid treatment, mairap ya situwasyon so alagpasan daranya.